Хит снимки од Кина: Илон Маск и Марко Рубио, сите зборуваат за нивното однесување
Средбата меѓу американскиот претседател Доналд Трамп и кинескиот лидер Си Џинпинг во Пекинг привлече огромно внимание во светската јавност, но социјалните мрежи буквално „експлодираа“ поради однесувањето на двајца членови на американската делегација – Илон Маск и Марко Рубио.
Додека аналитичарите се обидуваа да откријат за што разговарале Трамп и Си Џинпинг за време на повеќечасовната средба, интернетот беше преплавен со коментари за виралните снимки од Големата сала на народот во Пекинг.
Илон Маск привлече внимание кога за време на свечениот пречек извади мобилен телефон и почна да фотографира сè околу себе, наместо да стои сериозно како останатите членови на делегацијата. Корисниците на социјалните мрежи веднаш почнаа да го споредуваат со „обичен турист“.
„Човек побогат од некои држави се однесува како турист на екскурзија“, беше еден од најсподелуваните коментари на интернет.
Elon Musk at the formal welcome ceremony in China:
Twists his neck like the hotel pillow was trash, then goes full tourist mode snapping pics on his phone while everyone else stays stiff.
Legend. pic.twitter.com/H8pPzyMuVs— Inside the conflict (@InsidConflict) May 14, 2026
Набрзо вниманието го привлече и Марко Рубио. Камерите го снимија американскиот државен секретар како воодушевено гледа во раскошниот таван на салата, покажувајќи со прст кон деталите што очигледно му оставиле силен впечаток.
Снимките за кратко време станаа хит на социјалните мрежи, а многумина коментираа дека токму Маск и Рубио „го украле шоуто“ за време на една од најважните политички средби годинава.
🇨🇳🇺🇸 Marco Rubio is in love with that ceiling – Trump will probably order to make some design changes in the White House pic.twitter.com/GT9q76U5lD
— BRICS Update (@Worldrunner) May 14, 2026
