Дожд и облачно денес, заладување од недела
Променливо облачно време со врнежи од дожд најпрво на запад, а попладне и на истокот. Во недела и следната недела следува заладување со можен снег на планините.
Времето денеска ќе биде променливо облачно, со повремени врнежи од дожд во претпладневните часови главно во западните делови од државата. Во текот на попладнето услови за врнежи ќе има и во источните региони.
Ќе дува слаб до умерен ветер од јужен правец, кој повремено може да засилува, особено во централните и северните подрачја.
Временска прогноза за Скопје
Во Скопје времето ќе биде облачно, со услови за повремени врнежи од дожд во текот на денот. Ќе дува слаб ветер со променлив правец, кој повремено може да биде умерен и засилен.
Заладување и нови врнежи во наредните денови
Според најавите на метеоролозите, нов бран на врнежи се очекува во недела и на почетокот на следната седмица. Во овој период ќе настапи и пад на температурите, што ќе донесе пониски дневни вредности во поголем дел од земјата.
Во повисоките и планинските предели врнежите ќе преминуваат во снег, што може да создаде зимски услови на патиштата и повисоките превои.
