Девојки во Иран го палат ликот на Али Хамнеи
Фотографии од ирански девојки кои цинично го палат портретот на врховниот лидер, ајатолахот Али Хамнеи, се шират на социјалните мрежи, создавајќи силен симбол на протест против режимот. Акциите се дел од масовните антивладини демонстрации кои почнаа кон крајот на декември 2025 година, предизвикани од економската криза, и се проширија во движење за системски промени.
Девојки и Жени со потекло од Иран го палат портретот на Хамнеи како симбол на отпор против режимот и социјалните ограничувања. Протестите, поттикнати од економската криза и инфлацијата, се проширија низ целата земја, а жените повторно заземаат централна улога во движењето.
Палењето на портрети како жесток чин на отпор
An Iranian girl burns a picture of Ayatollah Khamenei and lights her cigarette, a new trend in Iran!
Young Iranian women are leading the revolution against the Islamic regime.#iran#Iranian#Ayatollah#AyatollahKhameneipic.twitter.com/ndZT8yY4kI
— GNW News ⚡ Genuine National Window (@gnwnews_a) January 10, 2026
Чинот на палење портрети на врховниот лидер се смета за сериозно кривично дело со потенцијална смртна казна. Кога тоа го прават жени, делото добива дополнителна симболика, бидејќи во Иран жените кои пушат се стигматизирани. Еден од драматичните примери е активистот Омид Сарлак, кој во октомври 2025 година објави видео како го пали портретот на Хамнеи, за кратко време да биде пронајден мртов во својот автомобил, а неговата смрт предизвика сомнежи и политички протести на погребот.
Од економска криза до пошироки барања за промени
Протестите започнаа на 28 декември 2025 година како реакција на економската катастрофа: инфлацијата достигна 48,6% во октомври, цените растеа, а националната валута, ријалот, изгуби голем дел од вредноста. Незадоволството брзо прерасна во пошироко движење против режимот, со барања за системски промени, а слоганите „Смрт за Хамнеи“ и „Пахлави ќе се врати“ одекнуваа низ улиците на Техеран и другите градови.
Жените на чело на востанието
A protest motif out of Iran is spreading: women with their hair uncovered lighting a cigarette off a burning photo of Khamenei, which reads less like provocation and more like a refusal to perform reverence on command. Some clips will be unverifiable, but the signal is clear… pic.twitter.com/m3rtqOUy7g
— Francisco Poleo (@FranciscoPoleoR) January 10, 2026
Иранските жени повторно се во фокусот на протестите. Палењето на портретите на Хамнеи преку цигари стана моќен културен мотив, кој ја изразува нивната фрустрација од режимот и од строгите социјални правила базирани на пол. Слични масовни антивладини демонстрации жените предводеа и во 2022 година по смртта на Махса Амини, што го стави прашањето за женските права во центарот на вниманието.
Жесток одговор од власта
Иранските власти одговорија со сила: безбедносните сили и Револуционерната гарда се судрија со демонстрантите, а човековите права пријавуваат десетици жртви и илјадници апсења. Владата исто така ги ограничуваше интернетот и комуникациите, обидувајќи се да го скрие вистинскиот обем на протестите. Настаните во Иран предизвикаа меѓународна осуда и загриженост за човековите права.
Иако ризикот е висок, жените и младите Иранци продолжуваат да ја покажуваат својата храброст и да го користат секој можен симбол за отпор против режимот, правејќи го својот глас незамолчлив и видлив за светот.
