ДАНИЕЛ КАЈМАКОСКИ ПРОНАЈДЕН ВРЗАН ВО АВТОМОБИЛ: Нови детали за драмата – спасен во последен момент
Даниел Кајмакоски бил киднапиран по настап во Белград и пронајден врзан во автомобил кај Рума. Полицијата спроведува интензивна потрага по напаѓачите.
Белград и Срем изминатата ноќ беа сцена на настан каков што обично се гледа само во акциони филмови. Познатиот пејач Даниел Кајмакоски (43) бил киднапиран под закана со оружје во центарот на Белград, по што следувала масовна полициска акција со вклучување на елитни единици на МВР на Србија.
Киднапирање по настап
Инцидентот се случил околу 00:50 часот, откако Кајмакоски го завршил настапот во ноќниот клуб „Lafayette“ во Бетон хала. Додека влегувал во своето возило „Volvo XC60“, паркирано во Караѓорѓева улица, му пристапило непознато лице кое, со закана со нож и физичка сила, му ги врзало рацете со селотејп. Втор соучесник влегол на задното седиште, а возилото било преземено од киднаперите.
View this post on Instagram
Потера и закани
При обидот да ја напуштат локацијата, киднаперите налетале на полициска патрола. Наместо да застанат, нагло забрзале, по што започнала потера. За време на бегството, напаѓачите наводно држеле пиштол вперен кон пејачот и барале 20.000 евра, изнесувајќи и сериозни закани кон неговото семејство.
Несреќа кај Рума
По приклучувањето на автопатот и минувањето на наплатната рампа Шимановци, полициските сили се обиделе да извршат блокада кај исклучувањето за Рума. Возачот ја изгубил контролата и возилото удрило во заштитна ограда. Киднаперите успеале да избегаат во темнината, додека полицијата во смрсканиот автомобил го пронашла Кајмакоски – врзан, но без потешки повреди.
Интензивна потрага
Подрачјето околу Рума било целосно блокирано. Во потрагата се вклучени Жандармеријата и Специјалната антитерористичка единица, со употреба на термовизиска опрема, службени кучиња и дронови.
Истрага
Кајмакоски бил однесен во просториите на Управата за криминалистичка полиција, каде дал изјава пред надлежен обвинител. Случајот е квалификуван како кривично дело грабнување, а започната е детална истрага, вклучувајќи ДНК-анализа и преглед на видео-снимки од автопатот и наплатните рампи.
