Педофилска група ја натерала тинејџерка од Србија да ја убие својата сестра
Новиот доказ открива дека 13-годишното девојче од Србија ја убило својата сестра по наредба на педофилската група „764“. Германските истражители открија закани и инструкции во нејзиниот телефон.
Трагедијата што минатата година го потресе Лајпциг добива нов, уште пострашен пресврт. Германските истражители открија дека 13-годишната девојка од Србија, која ја уби својата седумгодишна сестра, не делувала сама – туку под директна закана и манипулација од педофилска и садистичка интернет-група позната како „764“.
Според информациите на германскиот „Шпигел“, чет-протоколите пронајдени во телефонот на тинејџерката се толку морничави што ги шокирале и најискусните детективи. Еден од членовите на групата, користејќи го псевдонимот „White Tiger“, ѝ се заканувал дека ќе ја убие целата нејзина фамилија ако не ги исполни неговите наредби.
„Знаеме каде живееш. Знаеме кои се твоите. Ако не го направиш тоа што ти кажуваме – ќе ве убиеме сите“, се наведува во една од пораките што полицијата ги открила.
Овие докази конечно ја осветлуваат причината зад монструозниот чин кој долго време им беше енигма на германските истражители. Според FBI, групата „764“ со години се обидува да допре до ранливи тинејџери низ светот, принудувајќи ги на самоповредување, насилство, па дури и масовни напади.
Трагичниот настан се случил на 25 октомври 2024 година. Тинејџерката сама ја повикала полицијата, тврдејќи дека „се случило нешто страшно“. Кога службите стигнале во станот во населбата Клајнцохер, ја затекнале седумгодишната девојчица во локва крв, со повеќекратни убодни рани. И покрај обидите на лекарите, не успеале да ја спасат. Родителите, кои потекнуваат од Србија, не биле присутни во моментот на убиството.
Истрагата продолжува, а обвинителството во Лајпциг засега не коментира официјални детали. Сепак, германските медиуми јавуваат дека анализата на дигиталните траги е во поодмината фаза и дека меѓународните служби активно соработуваат.
Случајот отвора сериозни прашања за онлајн-безбедноста на децата, достапноста на садистички групи на интернет и степенот на манипулација на која може да биде подложен едно малолетно лице без адекватен надзор.
